Árdú 22.2pc ar deontas na hoileáin neamh-Ghaeltachta

Fógraíodh go bhfuil maoiniú de €830,900 ceadaithe ag an Aire Forbartha Tuaithe agus Pobail agus Gaeltachta, Dara Calleary TD, do na comhlachtaí forbartha ar na hoileáin neamh-Ghaeltachta i Mhaigh Eo, Gaillimh agus Chorcaí. 

Tá an maoiniú seo ag cur leis an maoiniú roimhe seo, le hardú 22.2pc i gcomparáid le 2024. Tháinig an maoiniú mar thoradh ar athbhreithniú ar mhúnla maoiníochta na gcomhlachtaí forbartha pobail, mar a cuireadh in iúl i bpolasaí náisiúnta “Ár nOileáin Bheo.” 

Déanann Comhar na nOileán riaradh ar an maoiniú, a chabhraíonn le líonra tacaíochta agus cúrsaí oiliúna a fhorbairt. Is faoi chuspóir straitéiseach na pobail a chumasú a bhíonn na comhlachtaí forbartha pobail, ag tacú le seirbhísí laethúla, fiontraíocht, agus forbairt bonneagair.

Fógraíodh an tAire Calleary: “Tá comharchumainn agus comhlachtaí forbartha áitiúla lárnach i soláthar seirbhísí laethúla agus tograí forbartha ar na hoileáin. Tá áthas orm an gealltanas a tugadh in Ár nOileáin Bheo chun athbhreithniú a dhéanamh ar an struchtúr maoinithe a chomhlíonadh. Cinntíonn an maoiniú leasaithe seo atá á fhógairt agam inniu go mbeidh an leibhéal céanna tacaíochta ar fáil anois ag ár n-oileáin ar fad, laistigh agus lasmuigh den Ghaeltacht.”

Fógraíodh Máire Uí Mhaoláin, Príomhfheidhmeannach Chomhar na nOileán: Fáiltíonn Comhar na nOileán roimh an ardú suntasach atá curtha ar fáil do na hoileáin neamh-Ghaeltachta chun a gclár oibre a chur i bhfeidhm. Is deá-chomhartha é go bhfuil an Rialtas tiomanta do chás na nOileán agus ag dul i dtreo plean gnímh ‘Ár nOileáin Bheo’ a sheachadadh. Cuidíonn an maoiniú seo leis na comhlachtaí pobal-bhunaithe agus na pobail ar an hoileáin neamh-Ghaeltachta a dhéanamh níos inmharthanaí.  Is céim chun tosaigh é seo agus táthar ag súil go dtógfar ar an dul chun cinn seo ar bhunús leanúnach sna blianta amach romhainn.”